請問：用御真橄欖皂洗完頭髮覺得有少少乾，需要再用護髮素嗎？
您好，可不使用潤髮產品。
潤絲精、護髮素或髮膜含有乳化劑及其他護髮成分，使用後可能令頭髮有較厚重、滑潺潺，或者感覺唔夠清爽。
剛開始轉用手工皂洗頭時，部分人可能會暫時覺得頭髮比較乾澀、容易打結，或者冇以前咁滑順。每個人嘅髮質、頭皮狀況，以及平時有冇染髮、電髮或使用護髮產品都唔同，所以適應時間亦會有所不同。
🫧建議洗頭方式：
先將頭髮同頭皮完全打濕。
將手工皂在頭皮位置輕輕搓揉起泡。
用指腹按摩頭皮，唔好用指甲抓。
如果覺得第一遍泡泡較少，可以先沖掉，再洗第二遍。
初期若有打結或澀感，可以喺未沖水前，用扁梳輕輕將頭髮梳順，再沖洗。然後可以選擇再洗第二 ~ 三次按摩頭皮，沖洗過後吹乾頭髮，唔再打結有黏膩感！
沖水時要沖得足夠乾淨，特別係髮根同後腦位置。
洗完後請吹乾頭皮，同時亦建議定期清洗同更換枕頭套、毛巾、梳子，減少頭皮再次接觸油脂、灰塵或造型品殘留。
如果本身頭髮有染燙、漂髮、嚴重受損或特別乾燥，初期澀感同打結感可能會更明顯（佢正喺清潔頭髮同毛囊內殘留嘅化學物質），持續洗2-3個月，慢慢觀察頭皮同頭髮嘅適應情況。
🧼溫馨提示：
如果本身頭皮或髮絲比較乾燥，可以優先選擇較滋潤嘅御真系列馬賽皂。染燙後、受損或較長嘅頭髮，髮尾乾澀情況亦可能會比較明顯，可以按自己實際需要作調整。
🩷焱芝手工皂以高級植物油脂及草本製作，是溫和滋潤的皂，洗髮時主要係清潔頭皮、毛囊同頭髮。由於每個人嘅髮質、染燙程度、出油情況同使用習慣不同，實際感受亦會因人而異。
前提係需要清潔毛囊之累積化學物質外同時又可以滋養毛髮同頭皮，最終使頭皮健康。自然就唔會有掉髮或癢、長痘、頭皮屑多嘅情況！
焱芝希望每位客人都可以慢慢找到最適合自己頭皮同髮質嘅清潔方式。