請問:第一次用焱芝皂液洗頭,覺得唔係好起泡,洗完之後頭髮仲有啲黏黏哋、好似比較難吹乾,咁樣正常嗎?

焱芝手工皂洗髮指南


請問:第一次用焱芝皂液洗頭,覺得唔係好起泡,洗完之後頭髮仲有啲黏黏哋、好似比較難吹乾,咁樣正常嗎?

您好~😊

多謝您選擇焱芝手工皂!

如果您係第一次使用焱芝玉容精華皂液洗頭,發現泡沫比平時少,或者洗完之後覺得頭髮有啲黏、唔容易吹鬆,其實唔使太擔心,尤其係平時有長期染燙髮、經常使用護髮素、髮膜、造型產品,一直使用化學成分洗頭水或者食西藥嘅朋友會更容易有這樣的情況。


🫧 點解用皂液洗頭,會覺得比較難起泡?

其實泡沫多少,會受到好多因素影響,例如頭皮本身嘅油脂、頭髮上嘅造型產品、皂液稀釋比例、水質,以及頭髮有冇完全濕透等。

如果本身頭髮有染燙、漂髮、嚴重受損或特別乾燥,初期澀感同打結感可能會更明顯(佢正喺清潔頭髮同毛囊內殘留嘅化學物質),持續洗2-3個月,慢慢觀察頭皮同頭髮嘅適應情況。 

每個人嘅髮質、頭皮狀況同平時護髮習慣都唔一樣,所以適應時間亦會有所不同。有啲人幾日後已經慢慢習慣,亦有人需要較長時間,唔使太心急。 


🌿洗髮時可以試下以下方法:

  1. 建議您可以試下,第一次頭髮打濕後,抹上精華皂液按摩頭皮幾分鐘後,用扁梳(頭髮未沖洗狀態)將頭髮梳順,再以清水徹底沖洗乾淨。然後可以選擇再洗第二 - 三次按摩頭皮,沖洗過後吹乾頭髮,唔再打結有黏膩感!

持續洗一陣(視乎每個人狀況有所不同),呢個現象會消除(唔好染燙髮或者食西藥過度)

  1. 再此分享一位女性客戶嘅使用經驗:佢長髮披肩,每日都有洗髮習慣~晚上洗髮嘅時候,每次都連續洗三次(使用精華皂液)因為佢有染燙髮,頭髮較乾燥,持續清洗4-5日之後,呢種乾澀黏黏嘅感覺慢慢消除! (因為佢每次都洗三次)

  2. 沖水時要特別留意髮根、後腦及髮際位置,確保皂液完全沖洗乾淨。

  3. 洗完後請吹乾頭皮,同時亦建議定期清洗同更換枕頭套、毛巾、梳子,減少頭皮再次接觸油脂、灰塵或造型品殘留。


🌿點解洗完之後,頭髮會覺得黏黏哋,甚至比較難吹乾?

由於手工皂類潔髮產品同一般化學成分洗頭水嘅配方有所不同,部分人士初次轉用時,可能會覺得頭髮觸感同以前唔一樣,例如比較澀、黏、厚重,或者唔容易吹鬆。

呢啲情況可能同頭皮油脂、沖洗是否徹底、水質,以及係因為頭髮入面含矽靈殘留太多造成。

🌿使用精華皂液洗頭,仲需唔需要用護髮素?

不須使用潤髮產品及護髮素。

潤絲精、護髮素或髮膜含有乳化劑及其他護髮成分,使用後可能令頭髮有較厚重、滑潺潺,或者感覺唔夠清爽。

🩷焱芝手工皂以高級植物油脂及草本製作,是溫和滋潤的皂,洗髮時主要係清潔頭皮、毛囊同頭髮。由於每個人嘅髮質、染燙程度、出油情況同使用習慣不同,實際感受亦會因人而異。


簡單嚟講:

所有嘗試焱芝手工皂洗髮嘅每個客戶都會陸續消除噉嘅現象(呢個時候,代表頭皮、頭髮開始恢復健康),所以請您唔使擔心!最重要係以溫和成分、輕柔清潔、徹底沖洗,再俾自己嘅頭皮同頭髮一點時間適應😊